Euskal Idazleak

BERRIA egunkariaren gaurko alean elkarrizketa luzea egin diote Unai Elorriagari. Idazle hau gustuko duenak, eta bere lanak irakurtzeko zaletasuna duenak, badu tartetxo baterako zeregina.

Ez dut (ezin izango dut) bestek blogeratu ez duenik nik egingo, baina ezin ezer jarri gabe geratu. Lurdesen nondik norakoak ezagutu nahi dituenak badu zer irakurri (hemen, hemen, hemen, hemen, hemen, ...  ) eta entzun (hemen, hemen, hemen, hemen, hemen, ..., )

Atxagak bere azken liburua, Lekuak,  dela eta egiten dituen gogoetak dituzu hemen irakurgai.

Ikasleentzat irakur testuak bilatzen ari nintzela honelako helbide hau topatu dut interneten. Testu laburrak, eta luzetxoak ere bai, ikasleentzat. Ez da beharrezkoa beti liburua erostea edo eskura izatea testu on bat irakurtzeko.

On dagizuela!

Hemen dugu, berriro ere, Bernardo Atxaga beste liburu batekin. Oraingo honetan Lekuak du izena. Irakurtzen hasteko hona hemen pasarte batzuk.

Nork ez du irakurri Joxean Sagastizabalen "Kutsidazu bidea, Ixabel"? Nork ez du, halako liburu hori irakurri ostean, egile honen beste zerbait irakurri? Bada, hemen da Joxean Sagastizabalen liburu berria. "Nomadak kantari doaz".

Hemen dugu berriro ere Pako Aristi bere gauzatxo ederrekin. Oraingo honetan laster kaleratuko den liburua, ipuin eta apunte laburrez osatutakoa. Erein argitaletxeak kaleratuko du. Itxaroten dugun bitartean atzoko BERRIAn eta gaurko GARAn gozatzen hasteko testu txiki batzuk. Bat baino gehiago izango da Urrestilako organoa jotzen duen bitartean bururatutakoa.

Pako Aristiren lana hobeto ezagutu nahi duenak, begira dezala nire "Altxorraren ehizak" karpetan.

Harkaitz Canoren "Belarraren ahoa" liburuaz jakin nuen duela gutxi eta gaur ikasleei proposatu irakur dezaten. Gaia irakurtzera bultzatzen duen horietakoa da. Harkaitz Cano eta liburu honetaz gehiago jakin nahi duenarentzat Interneten bilatze lanean aritu naiz eta honelako hauek topatu ditut. "BIZKAIe!" aldizkarian Arkaitzi egindako elkarrizketa bat liburu honen inguruan. "Irutxuloko hitza"n beste erreportaia bat. "Euskararen Donostia" kokagunean ere bada zer ezaguturik. "Erein" argitaletxearena ere hor dago begiratzeko. "Zubitegia.armiarma.com" ez ahaztu! "Piano Gainean Gosaltzen" lana dela eta egindako iruzkinak ere hor dituzu. Bikaina "larramendi.org" orrian topatutakoa.

Eta bere zerbait irakurri nahi izanez gero Interneten, bada aukerarik: "Ogiaren konkista" eta bere olerkiak irakurtzeko tartetxoa hartuta. "Neguko zirkua" liburua osorik irakurri nahi baduzu ezertxo ere ordaindu gabe, ez galdu aukera. Administrazioko langile sutsua baldin bazara egin irrifar txiki batzuk honako hau  irakurriz.

Bere argazkiak ikusi baino ez duzula nahi, bada begira: bat, bi, hiru, lau, bost, sei, zazpi, zortzi, bederatzi, hamar, hamaika ...

Nahikoa ezta? Zerbait gehiago nahi duenak, badaki: www.google.es "Harkaitz Cano.

   Eta...   horri hauek atontzen nituen bitartean jakin dut Euskadi saria eman diotela lan honengatik. Ez da falta izan zer irakurri hori dela eta: Berria egunkarian, Garan... eta egunotan argitaratuko direnak.

Euskara ikasten ari den ikasle batentzat ez dago gauza gogaigarriagorik idazlan bat egitea baino. Idazlana egiko folio zuri baten aurrean jartzea zigorra da berarentzat. Aldapan gora egiten zaio halako eginbeharra. Pentsatzen du idaztea ez dela berea. Idaztea idazleen gauza dela. Eta idazleak aparteko arraza direla. Horretarako jaio diren gizaki bitxiak. Baina idazleek ere folio zuri baten aurrean izaten dituzte beren ohiturak eta maniak. Edozein pertsonak bezalaxe. Euskara ikasten ari den edozein ikaslek bezalaxe. Bestela irakurri ARGIA aldizkariak argitaratutako artikulua idazleen ohiturak eta maniak direla eta.

Kutsidazu filmearen gorabeherak ikusi nahi badituzu interneten baduzu aukera.

Bigarren eguneko kronika irakurri nahi baduzu,sakatu.

Beharbada barre gehien eragin digun liburua izan zen lehenaldiz irakurri genuenean. Zenbat une eder pasatu ditugu liburuxka hori irakurriz? Auskalo! Bada, orain filmean ikusteko aukera izango dugu. Pantailara eramateko lanei ekin baitiete. Dena jakin nahi baduzu, irakurri gaurko Gara eta Berria  egunkarietako albisteak.